Bústaðarkonta 18-35 ár
Hugsar tú um at keypa, byggja um ella umvæla bústaðin? So er tað ein fyrimunur at hava samanspardan pening tøkan.
Við eini bústaðarkontu er tað fíggjarliga lættari bæði at keypa, at byggja og at byggja um. Peningurin á eini bústaðarkontu verður bundin til keyp og umvæling av bústaði.
Stutt og greitt um bústaðarkontu
- Renta: 3,75%
- Binding: 3 mðr.
- Hámark er 1.000.000 kr. (onki lágmark)
- Kann gerast til felagskontu
- Straffirenta, um peningurin verður nýttur til annað endamál, ella kontan gongur út eftir 10 ár
- Tú kanst nýta peningin til bæði keyp og umvæling av bústaði
- Kann ikki brúkast til pensjón, íløgur og aðrar bundnar pengar
- Garantiformuen verjir innlán upp til 100.000 evrur (uml. 750.000 kr.)
Hvussu nógv skal eg spara saman?
Fyri at fáa greiði á, hvussu nógv tú skalt spara saman, er gott at vita:
- hvussu nógv tú hevur eftir hvønn mánað,
- hvussu dýrur bústaðurin verður,
- hvussu stórt lán tú kanst taka,
- og um tú frammanundan hevur eina upphædd, sum tú kanst brúka.
Ofta settir spurningar
Hvør kann stovna eina bústaðarkontu?
- Kundar millum 18 og 35 ár
- Fleiri kunnu standa fyri kontuni og sostatt eiga hana saman.
Hvussu høg er rentan?
Sí rentuyvirlit her.
Er hámark fyri innistandandi upphædd?
Upphæddin á kontuni kann í mesta lagi vera 1.000.000 kr.
Hvat skal kontan brúkast til?
- Eginpening í sambandi við bústaðarfígging
- Keyp av ávíkavist grundstykki, sethúsum og íbúð
- Sethúsabygging / íbúðarbygging
- Umvæling og/ella umbygging av bústaði. Hetta fevnir eisini um bilhús, tún, garð, fast innbúgv t.d. køkur, gólv o.s.fr.
Eru avmarkingar í sambandi við útgjald?
- Fyri at tryggja at peningurin verður brúktur til rætta endamálið, skalt tú skjalpróva, hvat peningurin verður brúktur til, t.d. skeyti, tinglýsing, rokningar/kvittan fyri umvælingar.
- Tað er gjørligt at fáa lutvíst útgjald, um peningurin verður nýttur til rætta endamál.
Hvat hendir um eg angri?
Um tú angrar og vilt nýta peningin til annað endamál enn til bústaðin, verður kontan gjørd um til eina kontu við uppsagnarfreist á tríggjar mánaðir, og útgoldin renta verður tikin aftur. Um freistin ikki verður hildin, verður kostnaður lagdur á.
