Drykkjupeningur
Hvussu nógvan drykkjupening skalt tú lata á matstovuni, í hýruvogninum ella á gistingarhúsinum? Tað er rættiliga ymiskt, hvat verður væntað í ymisku londunum, og her á síðuni fært tú hjálp til uttanlandsferðina.
Ferðamannaskip
Á nógvum ferðamannaskipum er drykkjupeningur kravdur og roknaður uppí prísin. Drykkjupeningurin verður sjálvvirkandi kravdur, antin tá ið ferðin byrjar ella endar. Talan er vanliga um 6-15 USD um dagin. Heldur tú teg hava fingið eina serliga góða tænastu frá einum starvsfólki umborð, kanst tú lata viðkomandi drykkjupening beinleiðis.
Ymiskar mentanir
Ymisku mentanirnar í heiminum síggjast eisini aftur í mátanum, sum drykkjupeningur verður latin. Nógvastaðni í Asia, m.a. í Kina, Japan og Singapore, er tað ikki ein partur av mentanini at lata drykkjupening, og í ávísum førum kann tað beinleiðis vera illa dámt.
Vit hava bólkað londini í heimspartar, soleiðis at tú lættliga kanst finna upplýsingar um tað landið, tú skalt ferðast til.
