Gjaldskort

Nær fái eg kortið, sum eg havi bílagt?

Tá tú hevur bílagt eitt kort, kunnu uml. tvær vikur ganga, til tú fært nýggja kortið.

Hvussu sperri eg mítt kort?

Set teg í samband við Kundatænastuna ella tína deild, um tú skalt sperra kortið.


Uttan fyri upplatingartíðir bankans kanst tú ringja til Nets
Ring +45 44 89 29 29, tá Dankort, Visa/Dankort og úttakingarkort skulu sperrast.
Ring +45 44 89 27 50, tá MasterCard og MasterCard Debit skulu sperrast

Tá tú ringir til Nets, skalt tú upplýsa
Navn
Bústað
Peningastovn
Kortnummar ella kontunummar

Kortið verður sperrað og kann ikki brúkast.

Hvat skal eg gera, um mítt kort er horvið ella vorðið misnýtt?

Um títt kort er horvið ella vorðið misnýtt, skalt tú alt fyri eitt sperra kortið. Í avgreiðslutíð bankans kanst tú venda tær til Kundatænastuna og sperra kortið.

Uttan fyri upplatingartíð kanst tú ringja til
Ring +45 44 89 29 29, tá Dankort, Visa/Dankort og úttakingarkort skulu sperrast.
Ring +45 44 89 27 50, tá MasterCard og MasterCard Debit skulu sperrast

Tá tú ringir til Nets, skalt tú upplýsa
Navn
Bústað
Peningastovn
Kortnummar ella kontunummar

Kortið verður sperrað og kann ikki brúkast.

Hvussu nógvan pening kann eg brúka við mínum korti uttanlands?

Tá tú brúkar títt kort uttanlands, kunnu ymiskar avmarkingar vera á upphæddum, og harafturat kunnu gjøld verða áløgd.

Visa/Dankort
Tú kanst taka í mesta lagi 2.000 kr. út um samdøgrið. Um tú rindar við kortinum í handlum, kanst tú brúka meira. Tú kanst tó í mesta lagi brúka samanlagt 20.000 kr. pr. leypandi 30 dagar, tvs. íroknað bæði úttøku í sjálvtøkum og keyp.

MasterCard Standard
Pening í hondina úr sjálvtøkum: 3.000 kr. um samdøgrið.
Pening í hondina úr sjálvtøkum: 15.000 kr. um mánaðin.
Gjald fyri at taka út í sjálvtøkum: 2 %, tó í minsta lagi 50 kr.
Hægsta mark fyri nýtslu (bæði keyp í handlum og úttøka úr sjálvtøkum): 30.000 kr. pr. leypandi 30 dagar.

MasterCard Gold
Pening í hondina úr sjálvtøkum: 6.000 kr. um samdøgrið.
Pening í hondina úr sjálvtøkum: 30.000 kr. um mánaðin.
Gjald fyri at taka út í sjálvtøkum: 2 %, tó í minsta lagi 50 kr.
Hægsta mark fyri nýtslu (bæði keyp í handlum og úttøka úr sjálvtøkum): 50.000 kr. pr. leypandi 30 dagar.

MasterCard Platinum

Pening í hondina úr sjálvtøkum: 10.000 kr. um samdøgrið.
Pening í hondina úr sjálvtøkum: 50.000 kr. um mánaðin.
Gjald fyri at taka út í sjálvtøkum: 2 %, tó í minsta lagi 50 kr.
Hægsta mark fyri nýtslu (bæði keyp í handlum og úttøka úr sjálvtøkum): 100.000 ella 250.000 kr. pr. leypandi 30 dagar.

Hvar síggi eg eitt yvirlit yvir míni kort?

Tú sært eitt yvirlit yvir tíni kort í Netbankanum.
Innrita í Netbankan – trýst á Kontur - trýst á Kortyvirlit.

Hvat skal eg gera fyri at kunna taka nýggja kortið í nýtslu?

Kortið skal virkjast, áðrenn tað kann nýtast. Tú fært eitt bræv við kortinum, og har verður greitt frá, hvussu kortið skal virkjast. Les um, hvussu tú virkjar kortið her.

Hvat skal eg gera, um mítt kort ikki riggar?

Set teg í samband við okkum, um kortið ikki riggar.

Hvussu fái eg eitt felags loyniorð?

Um tú ynskir at fáa felags loyniorð, kanst tú seta teg í samband við okkum.

Hvussu bíleggi eg eitt kort?

Her kanst tú taka niður og fylla út umsóknarbløð um gjaldskort. Umsóknarblaðið skal latast inn í einari av deildum okkara. Tað tekur vanliga 2-3 vikur, til tú fært nýggja kortið. Set teg í samband við okkum, um tú ynskir at bíleggja eitt kort.

Hvat skal eg gera, tá mítt kort gongur út?

Tú skalt einki gera. Eitt nýtt kort verður sjálvvirkandi sent til tín.

Hvat er eitt felags loyniorð?

Við felags loyniorði ber til at hava sama loynital til hesi kort:

  • Dankort
  • Visa/Dankort
  • Visa Electron
  • MasterCard Kredit
  • MasterCard Debit
Hvussu nógv kann eg brúka við mínum kredittkorti?

Her ber til at lesa meira um ymisku sløgini av kredittkortum umframt mørkini fyri mánaðarliga nýtslu.

Hvat skal eg gera, um eg havi gloymt mítt loynital?

Um tú hevur gloymt títt loynital, eigur tú at seta teg í samband við okkum. Vit senda tær síðani loynitalið umvegis bræv.

Hvussu endurbíleggi eg eitt kort?

Tær nýtist ikki at endurbíleggja eitt kort. BankNordik sendir tær nýtt kort, áðrenn gamla kortið gongur út.

Hvussu nógvan pening kann eg brúka við mínum korti í Føroyum?

Tað veldst um, hvat slag av korti tú hevur. Upplýsingar um mørk fyri nýtslu síggjast her.