Fígging til byggingina
Áðrenn tú fert í holt við byggiarbeiðið, mæla vit tær til at fáa greiðu á fíggjarligu viðurskiftunum. Tað vil siga, at tú skalt gera av, hvussu byggingin skal gjaldast. Hevur tú tørv á at læna pening til byggingina, mást tú samstundis gera tær greitt, hvussu eitt nýtt lán fer at ávirka tíni yvirskipaðu fíggjarviðurskifti og títt peningaliga rásarúm í gerandisdegnum.
Vanliga verða byggiverkætlanir fíggjaðar við egnari samansparing umframt einari samanseting av ymsum lánum:
Rætta lánið til tín
Júst hvussu tíni hús skulu fíggjast, og hvat slag av láni er tað rætta til tín, veldst um, hvussu tíni samlaðu fíggjarviðurskifti síggja út. Møguliga hevur tú fleiri smærri lán, ið kunnu leggjast saman og harvið geva tær eina mánaðarliga sparing.
Bílegg ein fund
Vit taka altíð støði í tínum ynskjum og møguleikum. Saman finna vit røttu loysnina til tín.
Áðrenn fundin í bankanum
Tað er ein fyrimunur, um tú hugsar um hetta, áðrenn tú kemur á fund:
-
Hvussu nógv fer tilfarið og arbeiðið í sambandi við byggingina at kosta, og hvussu nógvan pening hevur tú tørv á at læna? Fá t.d. ein handverkara at geva tær eina prísmeting ella eitt tilboð.
-
Hevur tú aðrar ætlanir, sum tú hevur tørv á at læna pening til? T.d. til nýggjan bil, summarhús, uttanlandsferðir ella annað? Hav hetta í huganum, tá ið tú gjøgnumgongur tíni fíggjarviðurskifti og tínar lánsmøguleikar.
-
Hvussu er tíðarætlanin fyri byggingina? Hugsa um, nær arbeiðið byrjar, nær rokningarnar skulu gjaldast, og nær tú væntar, at alt verður liðugt.
