BankNordik bjóðar tínum virki nógvar ymiskar tænastur, sum kunnu brúkast til at fáa eitt greitt yvirlit, stýra gjaldførinum, rinda kreditorum og krevja inn frá debitorum.

Bankaflytingar

Við eini bankaflyting kann títt virki flyta pening av kontu í BankNordik á eina kontu í øllum føroyskum, donskum og grønlendskum peningastovnum. Tú kanst eisini taka ímóti peningi frá kundum í hesum londum, uttan mun til hvønn peningastovn kundin brúkar.

Tá ið tú skalt flyta pening til onnur lond enn tey, ið eru nevnd her, kanst tú nýta flytingar til útheimin.

Gjaldskipanin

Títt virki kann nýta Gjaldskipanina bæði sum kreditor og debitor, til sjálvvirkandi rindan av gjøldum og rokningum, og at senda kundum rokningar. Gjaldskipanin tryggjar, at fyritøkan rindar og móttekur pening rættstundis og ómakaleyst.  

Rokningadepilin

Rokningadepilin er ein skipan, har títt virki ókeypis kann senda og móttaka rokningar talgilt. Við Rokningadeplinum sleppa tit undan at útskriva, pakka og avgreiða rokningar. Tit spara bæði tíð og pening.