NordikPensjón er ein heildarloysn innan pensjón. BankNordik bjóðar ein samlaðan pakka við samansparing og tryggingum, ið tú sum brúkari hevur ávirkan á og kanst seta saman júst eftir tínum ynskjum og til tann tørv tú hevur, tá tú kemur til pensjónsaldurin.

NordikPensjón er ein samlaður pakki við samansparing og tryggingum.

Tryggingar: Bólkalívstrygging, Trygging fyri hættisliga sjúku, Óarbeiðsføristrygging og Restskuldartrygging.

Samansparing: Røkt av tíni pensjónssamansparing, sum verður sett í virðisbrøv fyri at økja um møguleikan fyri størri avkasti.

Set teg í samband við tín kundaráðgeva og bílegg ein fund, ella bílegg ein fund her.

Á fundinum ger ráðgevin eina persónliga tørvsgreining við støði í tínari støðu í dag og tekur hædd fyri viðurskiftum sum t.d. aldri, hjúnarstøðu, inntøku og væntaðum pensjónsaldri. Hesi og onnur viðurskifti ávirka hvussu tín pensjón verður samansett, hvussu stórt inngjaldið skal verða, og hvørjar tryggingar vit mæla tær til at tekna. Saman við tær seta vit tín pensjónspakka saman, soleiðis at hann er lagaður til tín tørv og eftir tínum ynskjum.

Sum kundi í NordikPensjón fært tú fleiri fyrimunir. Tú fært eitt greitt yvirlit í Netbankanum, har allar upplýsingar um tína pensjónssamansparing eru tøkar. Tú fært eina pensjón, sum tú hevur ávirkan á, ein pensjónspakka, ið verður settur saman eftir tínum ynskjum og lagaður til júst tín tørv.  

Prísir og tænastur eru at síggja í galdandi prísbók. Prísbókin er at finna á heimasíðuni - umframt á øllum deildum bankans.

Við NordikPensjón rindar tú einki árligt umsitingargjald, um tú ert Nordik+ ella NordikPremium-kundi. Hjá okkum fer minni peningur til umsiting, harvið fer meira beinleiðis í tína samansparing. Harumframt er tryggingarkostnaðurin 10 % lægri í mun til kostnaðin í dag.

Persónliga tørvsgreiningin, ið verður týðandi partur av pensjónsráðgevingini, tekur støði í tíni støðu í dag og tekur m.a. hædd fyri aldri, hjúnastøðu, inntøku, tiltøkupeningi, væntaðum pensjónsaldri og tíni samlaðu fíggjarstøðu. Hesi viðurskifti og onnur ávirka, hvussu tín persónligi pensjónspakki verður settur saman, soleiðis at hann hóskar júst til tín og tey ynski, tú hevur til tína pensjónstilveru.

Peningurin er bundin, til tú nært eftirlønaraldur, og øll inngjøld verða skattað við inngjald. Um tú doyrt, áðrenn peningurin er útgoldin, fellur samansparingin til næsta avvarðandi, um annað ikki er avtalað.

Ja. Tín samansparing í Persónligari PensjónsRøkt verður sjálvvirkandi flutt til NordikPensjón. Er tú Nordik+ ella NordikPremium-kundi, skal tú ikki longur gjalda árliga umsitingargjaldið av tíni samansparing.

Við NordikPensjón hevur tú møguleika fyri at tekna eina Bólkalívstrygging, ið kann víðkast til at fevna um Trygging fyri hættisliga sjúku og Óarbeiðsføristrygging. Eisini er møguligt at tekna eina Restskuldartrygging.

Allir persónar, ið ikki eru fyltir 51 ár, kunnu tekna eina Bólkalívstrygging. Fyri at fáa hesa trygging er tað ein treyt, at tú ert arbeiðsfør/ur, frísk/ur og lýkur heilsutreytirnar.

Tú kanst fylla út eitt tekningarblað, sum liggur á heimasíðuni og lata tínum ráðgeva tað, ella tosa við tín ráðgeva um at tekna lívstryggingar, tá tit halda fund um NordikPensjón. Tað eru tvey ymisk tekningarbløð: eitt fyri Restskuldartrygging og eitt fyri Bólkalívstrygging, har Trygging fyri hættisliga sjúku og Óarbeiðsføristrygging kunnu veljast sum ískoyti. Í sambandi við at tú teknar tryggingarnar, verður tú eisini biðin um at útfylla eina heilsuváttan og møguliga onnur oyðubløð.

Um tú doyrt, áðrenn tú hevur fingið útgoldið peningin, sum tú hevur spart saman í NordikPensjón, verður hann útgoldin til næstu avvarðandi, um ikki onnur avtala er gjørd. Næstu avvarðandi eru í nevndu raðfylgju:

• Hjúnafelagi
• Lívsarvingar
• Arvingar sambært testamenti
• Arvingar sambært lógini

Um tú ynskir at gera aðra avtalu, kann hetta gerast skriftliga á fundi við tínum kundaráðgeva.

Lívstryggingin verður útgoldin til tíni næstu avvarðandi, um tú doyrt í tryggingartíðini, um ikki onnur avtala er gjørd. Næstu avvarðandi eru í nevndu raðfylgju:

• Hjúnafelagi
• Lívsarvingar
• Arvingar sambært testamenti
• Arvingar sambært lógini

Um tú ynskir at gera aðra avtalu, kann hetta gerast við at fylla út oyðublaðið "Broyting av tilskilan" og lata tínum kundaráðgeva tað. Kundaráðgevin sendir síðani oyðublaðið til tryggingarveitaran LÍV.

Tryggingarupphæddin verður goldin inn á tína skuld í BankNordik, um tú doyrt í tryggingartíðini. Er tryggingarupphæddin hægri enn skuldin, verður avlopið goldið beinleiðis til næsta avvarðandi, um ikki onnur avtala er gjørd. Næstu avvarðandi eru í nevndu raðfylgju:

• Hjúnafelagi
• Lívsarvingar
• Arvingar sambært testamenti
• Arvingar sambært lógini

Um tú ynskir at gera aðra avtalu, kann hetta gerast við at fylla út oyðublaðið "Broyting av tilskilan" og lata tínum kundaráðgeva tað. Kundaráðgevin sendir síðani oyðublaðið til tryggingarveitaran LÍV.

Tað veldst um, hvat slag av pensjónssamansparing tú hevur. Um talan er um privata samansparing, ið er inngoldin áðrenn 2014, er møguligt at velja at fáa samansparingina útgoldna í úrtíð. Um talan er um samansparing, ið er inngoldin eftir 2014, er peningurin sum útgangsstøði bundin til pensjónsaldur, men við eini læknaváttan og/ella góðkenning frá TAKS er ein møguleiki fyri at fáa samansparingina útgoldna í úrtíð.

Um tú velur at seta sína samansparing í NordikPensjón, gert tú eina fulltrúaravtalu um, at íløguserfrøðingar í BankNordik seta tín pening í virðisbrøv og hava støðugt eftirlit við og røkta tínar íløgur, í samsvari við tín persónliga váðaprofil. Á henda hátt stendur tín pensjónssamansparing altíð har, sum bankin metir, at hon hevur bestu møguleikar fyri at geva tær eitt størri avkast. Hetta merkir samstundis, at tú ikki hevur ávirkan á samansetingina á virðisbrøvum.

Tú kanst til eina hvørja tíð siga teg úr NordikPensjón uttan freist. Vanligu prísir bankans fyri tínar tryggingar eru galdandi frá tí degi, tá uppsøgnin fær gildi. Prísir bankans eru at finna í teirri til eina hvørja tíð galdandi prísbók, ið er at finna á heimasíðuni – umframt á øllum deildum bankans.

Nei, eingin trygging fellur burtur sjálvvirkandi. Men tú kanst altíð siga hana upp.