Boðtænastan
Við Boðtænastuni er lætt at halda eyga við ymsum rørslum á kontuni. Tú kanst velja ymisk boð, m.a. tá peningur er komin inn á kontuna, ella tá saldan kemur niður um ávísa upphædd. Við Boðtænastuni kanst tú velja at fáa sms-boð ella teldupost um, hvat hendir á kontuni.
Veljast kann millum hesi boð:
-
Salda á kontuni
-
Tá saldan fer yvir ávísa upphædd
-
Tá saldan fer undir ávísa upphædd
-
Tá flyting yvir ávísa upphædd fer av kontuni
-
Tá flyting yvir ávísa upphædd kemur á kontuna
Undir saldu eru aftur aðrir valmøguleikar, har tú kanst velja, nær tú fært salduna sendandi:
-
Fastan dag í vikuni, t.d. hvønn mánadag
-
Fastan dag í mánaðinum, t.d. 1. í hvørjum mánaði
Fyri at tænastan kann skrásetast, skal fartelefonnummarið ella teldupostadressan hjá tær verða skrásett í bankanum.
Stovna Boðtænastuna
Soleiðis stovnar tú Boðtænastuna í Netbankanum:
- Innrita í Netbankan á telduni
- Far undir "Avtalur" í vinstru síðu
- Vel "Boðtænasta" í vinstru síðu
Her ber til at velja júst ta tænastuna, sum hóskar best til tín tørv. Trýst á “Stovna” út fyri tí møguleikanum, tú ynskir. Fleiri ymsir møguleikar eru, so fylg vegleiðingini undir hvørjum einstøkum møguleika.
Niðanfyri kanst tú taka niður vegleiðing til, hvussu tú stovnar Boðtænastuna í Netbankanum.
Ofta settir spurningar
Boðtænastan
Kann eg frámelda Boðtænastuna, um eg vil?
Tú kanst altíð frámelda Boðtænastuna, um tú ynskir tað.
Hvussu tekni eg meg til Boðtænastuna?
Tú teknar teg til Boðtænastuna í Netbankanum ella við at seta teg í samband við okkum. Um tú enn ikki hevur stovnað Netbanka, kanst tú bíleggja Netbankan her. Tað er tó ikki ein treyt, at tú skalt hava Netbanka fyri at tekna teg til Boðtænastuna.
Hvør er kostnaðurin fyri at brúka Boðtænastuna?
Sí galdandi prísir í prísbók okkara.
Hvussu ofta kann eg fáa boð umvegis Boðtænastuna?
Tú velur sjálv/ur, hvussu ofta tú ynskir at fáa boð umvegis Boðtænastuna. Tú kanst t.d. velja at fáa boð hvønn dag ella eina ferð um mánaðin.
Hvat er Boðtænastan?
Boðtænastan er ein tænasta, sum kann geva tær boð umvegis sms ella teldupost, tá broytingar eru á kontu tíni. Tað kann t.d. vera, tá lønin kemur á kontu, ella tá inn- og útgjøld omanfyri eina ávísa upphædd eru.
Hvørji boð kann eg fáa umvegis Boðtænastuna?
Tú velur sjálv/ur, hvørjar upplýsingar tú fært umvegis Boðtænastuna. Tað kann t.d. vera, um peningur verður inngoldin á tína kontu, ella um saldan fer undir ávísa upphædd. Tú velur, hvørjar upplýsingar tú ynskir, tá tú teknar teg til Boðtænastuna.
Hvussu fái eg boð við Boðtænastuni?
Í Netbankanum kanst tú velja, um tú ynskir at fáa boð umvegis sms ella teldubræv.