Umhugsar tú at selja orsakað av plásstroti? Ella er tað møguliga okkurt annað við húsunum, sum ikki livir upp til tín tørv ella tíni ynski? Í fleiri førum kann ein umvæling ella umbygging av verandi bústaði vera besta loysnin. Í tí sambandi eru ymisk viðurskifti, ið eru verd at hava í huga.

Um tú velur at umvæla

• Tú sparir tær útreiðslur, sum høvdu verið av sølu, flyting og møguligum bústaðarkeypi.

• Tú sleppur undan at flyta úr grannalagnum og møguliga skifta skúla og dagstovn.

• Tað er umráðandi, at tú kannar, um íløgan hongur saman fíggjarliga - t.d. um tú væntar at vinna peningin inn aftur, um tú einaferð ætlar at selja. Fleiri viðurskifti gera seg galdandi í hesum sambandi; eitt nú, hvar bústaðurin er, og sjálvandi eisini, hvussu stórar útreiðslurnar av umvælingini eru.

• Ger tær greitt, um tú hevur umstøður til at fara undir eitt stórt umvælingararbeiði. Ein heildarumvæling kann vera sera avbjóðandi, um tú hevur smá børn - serliga um tú ætlar at gera arbeiðið sjálv/ur.