Halt skil á pengunum
Tá ið tú leggur eina fíggjarætlan, hevur tú amboðið til at stýra tínum pengum, soleiðis at pengarnir ikki stýra tær. Ein fíggjarætlan gevur tær bæði yvirlit yvir tína nýtslu og møguleikar.
Allar inntøkur og útreiðslur verða skrásettar, og á tann hátt veitst tú altíð, hvussu nógv tú hevur at brúka hvønn mánað. Tað gerst samstundis lættari at leggja ítøkiligar ætlanir fyri framtíðina og at røkka tínum málum. Jú neyvari tú fyllir út fíggjarætlanina, tess betur stýrir tú tínum pengaviðurskiftum.
Soleiðis gert tú
- Endurskoða fíggjarætlanina við jøvnum millumbilum, t.d. 3. hvønn mánað. Viðurskiftini kunnu broytast, og tá er tað gott at tryggja, at fíggjarætlanin fylgir við.
- Legg eina fíggjarætlan fyri eitt ár í senn. Á tann hátt fært tú allar útreiðslur við - eisini tær, ið bert skulu gjaldast einaferð árliga.
- Minst til, at bæði inntøkur og útreiðslur kunnu skifta gjøgnum árið. Legg eisini pengar til viks til jólagávur og møguligar uttanlandsferðir.
Fíggjarætlan í Netbankanum
Í Netbankanum ber eisini til at leggja eina einfalda fíggjarætlan, ið gevur tær eitt skjótt yvirlit yvir mánaðarligu útreiðslurnar.
Fíggjarkonta
Við einari Fíggjarkontu kanst tú seta føstu útreiðslurnar í skipan og býta tínar útreiðslur út á alt árið. Á henda hátt tryggjar tú tær, at tú altíð rindar somu upphædd mánaðarliga, sama hvussu høgar ella lágar útreiðslurnar eru.
