Nándkort

Eitt nándkort er tað sama sum eitt "kontaktleyst" kort. Við nándkorti kanst tú rinda við gjaldskortinum uttan at seta kortið í kortterminalin. Tú skalt bert halda kortinum at terminalinum, og tað er ikki neyðugt at brúka pinkotu, um keypsupphæddin er undir 350 kr. Øll keyp omanfyri 350 kr. skulu tó góðkennast við pinkotu.

Kortini kunnu brúkast bæði í Føroyum og uttanlands. Kortterminalar, ið taka ímóti nándkortum, hava hetta frámerki:

Lætt, trygt og skjótt

Nándkortini brúka somu tøkni sum kort uttan nándfunku, og tey eru framvegis millum tryggastu gjaldskort í heiminum. Av trygdarávum verður tú við jøvnum millumbilum biðin um at seta kortið í terminalin og brúka pinkotuna. Um tú missir kortið, ella tað verður stolið og misnýtt til keyp við nándfunkuni, kanst tú ikki ábyrgjast.

Soleiðis brúkar tú nándkort

Upphæddir undir 350 kr.: tú heldur kortið at kortterminalinum.
Upphæddir omanfyri 350 kr.: tú skalt eisini trýsta pinkotu.
Tá OK stendur á kortterminalinum, er gjaldið framt, og tú fært kvittanina.

Hvar kunnu kortini brúkast?

Allir handlar og matstovur hava ikki terminalar, ið kunnu taka ímóti nándkortum. Hetta er tó eingin trupulleiki, tí nándkortini kunnu eisini brúkast sum vanligt í hesum terminalum - t.v.s. við at seta kortið í terminalin og trýsta pinkotuna.

Soleiðis fært tú eitt nándkort

Frá 1. september 2015 hava øll nýggj gjaldskort nándfunkuna innbygda. Sostatt fært tú sjálvvirkandi eitt nándkort, tá títt núverandi kort gongur út. Um tú vilt bíleggja eitt nýtt kort, áðrenn gamla kortið gongur út, ert tú vælkomin at seta teg í samband við okkum.

Um tú bíleggur eitt nýtt kort, áðrenn gamla kortið gongur út, eru vanligu tænastugjøld bankans galdandi. Sí yvirlit yvir prísir her.