Nordik

Tú meldar teg til skipanina umvegis tín ráðgeva í BankNordik. Tá ið bankin góðkennir umsókn og tilmelding, er tað við støði í eini ítøkiligari kredittmeting og fíggjarviðurskiftum tínum ella familjunnar við bankan. ”Familja” skal skiljast sum í mesta lagi 2 vaksin, ið eru skrásett at hava sama bústað umframt børn yngri enn 18 ár, ið búgva heima. 

Nei, tað er ókeypis at gerast Nordik-kundi.

Á báðum stigum í Nordik fært tú rentufyrimunir á útvaldum tænastum. Tú fært ókeypis Netbanka og stóran avsláttur av kortgjøldum.

Fyri at finna fram til tað stigið, ið hóskar til tín, og harvið vísa á ítøkiligar sparingar í tínum føri, er neyðugt at hava ein fund, har vit gjøgnumganga tíni fíggjarviðurskifti og talið á tænastubólkum. Út frá hesum kunnu vit síðani rokna út, hvussu nógv tú kanst spara.

Fyri at gerast partur av fyrimunaskipanini skalt tú hava lønarkontu og Netbanka í BankNordik. Harumframt skalt tú hava lán, kredittir og /ella íløgur hjá okkum fyri í minsta lagi 400.000 kr. til samans. 

Tað er samlaða upphæddin á niðanfyri nevndu tænastum, ið avger, um tú kanst gerast Nordik+ ella NordikPremium-kundi:

Um samlaða upphæddin er millum 400.000 og 1 mió. kr., kanst tú verða Nordik+kundi. Er upphæddin omanfyri 1 mió. kr., kanst tú gerast NordikPremium-kundi.

• Salda á útlánum og kredittum
• Kursvirði á virðisbrævagoymslum hjá BankNordik, ið eru knýttar at Persónligari PensjónsRøkt, Persónligari OgnarRøkt, Ráðgevingaravtalu og serstøkum ognarrøktaravtalum
• Kursvirði á íløguprógvum frá íløgufeløgum, sum BankNordik samstarvar við
• Restskuld á DLR-realkredittlánum
 

Kredittmetingin verður framd við støði í ymiskum upplýsingum um teg, m.a. inntøkuviðurskiftum, ogn, skuld, nýtslu, aldri og fyrrverandi fíggjarviðurskiftum.

Prísir, tænastur og fyrimunir eru at síggja í galdandi prísbók. Prísbókin er at finna her umframt á øllum deildum bankans.

Fyri hvørt stigið er eitt rentuspenni ásett fyri útlán og kredittir, ið eru fevnd av fyrimunaskipanini. Tá ið tú meldar teg til Nordik, verður tú, út frá kredittmetingini, settur inn í rentuspennið á stignum, tú hevur meldað teg til. Rentuspennið sæst í prísbókini.

Skipanin er ætlað einkultpersónum og familjum. Tú ert sjálvsagt vælkomin at melda teg til skipanina sum einkultpersónur. Um tín maki/familja eisini er meldað til skipanina, verða tit sett á stigið, ið svarar til tykkara samlaðu fíggjarviðurskifti. Øll í familjuni fáa somu ágóðar.

Tú kanst til hvørja tíð siga teg burtur úr fyrimunaskipanini uttan freist. Vanligu prísir bankans eru galdandi frá tí degi, útmeldingin fær gildi. Prísir bankans eru at finna í teirri til hvørja tíð galdandi prísbók, ið er at finna á her umframt á øllum deildum bankans.

Skipanin er galdandi í 12 mánaðir og verður sjálvirkandi longd 1. januar hvørt ár, um ikki annað er avtalað. Verður fyrimunaskipanin ikki longd, fella fyrimunirnir burtur við avtaluenda, og tú verður fevnd/ur av okkara vanligu privatkundatreytum.

• BankNordik kann uppsiga fyrimunaskipanina við teg, um tað verður fráboðað 3 mánaðir áðrenn.
• Um tíni samlaðu fíggjarviðurskifti við bankanum ella metingin av tær og tíni familju broytist, kann BankNordik uppsiga fyrimunaskipanina við teg, um tað verður fráboðað 2 mánaðir áðrenn.
• Um tú gert brot á eina avtalu við BankNordik, kann BankNordik uppsiga fyrimunaskipanina við teg uttan fyriboðan.

Tú verður hereftir fevnd/ur av okkara vanligu privatkundatreytum, ið tú finnur í galdandi prísbók og rentuyvirliti.