Týsdagin 21. november frá kl. 15 til 16.30 skipa vit fyri einum spennandi fyrilestri um, hvussu avgerandi tann góða kundaupplivingin er fyri eina fyritøku – sama hvør vinnugreinin er. Fyrilesturin verður á Oknarvegi 5 í Havn.

Tað verður kendi danski fyrilestrarhaldarin, Ian Wisler-Poulsen, sum fer at hava fyrilesturin. Ian fer at greiða frá:

• ambassadøreffektini
• hvørja ávirkan kundaupplivingar hava á búskapin hjá fyritøkuni
• og hvussu nógv lættari arbeiðið hjá fyritøkuni gerst við góðum kundaupplivingum.

Harafturat fer Ian at greiða frá týdninginum av empati, og eisini hvussu týdningarmikið hjálpsemier í dagsins samfelagi. Við dømum og ítøkiligum amboðum læra luttakararnir at styrkja tænastumentanina í fyritøkuni og á tann hátt skapa betri kundaupplivingar.