Sum avvarðandi er nógv at taka støðu til. Umframt kensluliga partin, sum helst fyllir mest í hesi tíðini, kunnu stúranir um tað fíggjarliga eisini stinga seg upp. Vit vilja fegin hjálpa við fíggjarliga partinum, soleiðis at tú og familjan kunnu hugsavna tykkum um onnur viðurskifti, sum hava týdning fyri tykkum í hesi avbjóðandi tíð. 

Til dømis er tað møguligt at tekna eina fulltrú, soleiðis at tú sum avvarðandi fært atgongd til kontur og netbanka hjá tí, sum er sjúk/ur. Tú kanst eisini fáa eitt gjaldskort til kontuna.

Minst eisini til at spyrja tín arbeiðsgevara um møguleika fyri at fáa frí til læknavitjan og ansing annars, um tørvur er á hesum.