Kom væl frá byrjan við íløgum

Soleiðis gert tú tínar fyrstu íløgur

1. Fá tín kundaráðgeva at stovna tær eina íløgukontu og eina íløgugoymslu. Tú fært síðani eini boð um at undirskriva talgilt í netbankanum.
2. Tá ið tú hevur fingið tína íløgukontu, ritar tú inn í netbankan og trýstur á "íløgur"
3. Trýst á svarta knøttin "Far til íløgur"
4. Í teiginum "Finn virðisbræv" kanst tú leita eftir virðisbrøvum
5. Vel eitt virðisbræv og trýst á "Keyp"
6. Síðani velur tú upphædd og trýstir aftur á "Keyp"

Bílegg eitt íløguprát, har vit saman hyggja upp á, hvørjar íløgumøguleikar, tú hevur. Her kunnu vit samstundis gera tær íløgur, tú ynskir.
Hetta er ein góð loysn til tín, ið ynskir at gera íløgur fyri smærri upphæddir (tvs. minni enn 750.000 kr.) ella tína pensjón (óansæð upphædd).

Bílegg íløguprát

Bílegg eitt íløguprát, har vit saman hyggja upp á, hvørjar íløgumøguleikar, tú hevur. Her kunnu vit samstundis gera tær íløgur, tú ynskir.

Hetta er ein góð loysn til tín, ið ynskir at gera íløgur fyri upphæddir yvir 750.000 kr. ella tína pensjón (óansæð upphædd).

Bílegg íløguprát

Tá ið tú keypir eitt lánsbræv, svarar tað í veruleikanum til, at tú lænir tí, sum skrivar lánsbrøvini út, pengar. Talan kann bæði vera um lán til eina fyritøku ella almennar myndugleikar. Afturfyri fært tú rentu og/ella ein kursvinning áðrenn ein ávísan lokadag. Les meira um lánsbrøv her.

Um tú ynskir at minka um váðan, sum tú átekur tær, tá ið tú gert íløgur, er tað umráðandi at spjaða íløgurnar millum nógv ymisk partabrøv og lánsbrøv. Nógvir íleggjarar velja at brúka íløguprógv ella íløgufeløg, sum leggja upp fyri hesum við at tryggja eina góða spjaðing og sostatt minka um váðan.

Tú kanst eisini røkta tínar íløgur sjálv/ur, men tað krevur bæði vitan og tíð. Tí kann tað vera trupult at røkta íløgurnar á nøktandi hátt, um tú ikki brúkar nógva tíð og ikki hevur serligan kunnleika til partabrævamarknaðin. Hetta er ein høvuðsorsøk til, at tað eru so nógvir íleggjarar, sum velja at lata bankan røkta íløgurnar fyri seg.

Eisini ber til at býta íløgurnar í tveir partar, har annar verður røktaður av okkum í bankanum, meðan tú sum íleggjari sjálvur tekur tær av at røkta ein part. Á tann hátt kanst tú tryggja tær, at ein partur av tínum íløgum fær professionella og støðuga røkt, meðan tú sjálv/sjálvur gert íløgur fyri ein part.

Tá ið tú keypir eitt partabræv, verður tú partaeigari í einari fyritøku, sum hevur skrásett partabrøvini á keypskálanum. Kursurin á einum partabrævi endurspeglar vanliga evnini hjá fyritøkuni at vinna pengar í løtuni ella í longdini. Les meira um partabrøv her.