60-ára konta
Eftirlønarlógin, sum kom í gildi í 2014, ber við sær, at tað ikki ber til at seta pening inn á 60-ára kontu longur. Í staðin skal gjaldast inn á eftirlønarkontu.
Útgjald
Pensjónin á gomlu 60-ára kontuni verður útgoldin í einum og kann útgjaldast, tá tú ert vorðin 60 ár. Peningur, sum er inngoldin á 60-ára kontu áðrenn 1. januar 2012 verður skattaður við 35% við útgjald. Peningur, sum er inngoldin frá 1. januar 2012, er skattaður við 40% við inngjald. Tekur tú peningin út í úrtíð, rindar tú 55% í skatti.
Íløgur í virðisbrøv
Tú hevur møguleika at gera íløgur í virðisbrøv við samansparda peninginum á gomlu 60-ára kontuni. Vit veita holla heildarráðgeving, tá ið íløgan skal gerast.
