Íløgur, ið gera mun
Burðardyggar íløgur eru íløgur í fyritøkur, ið reka sítt virksemi á ábyrgdanfullan hátt. Við støði í altjóða ásetingum gera burðardyggar íløgur tað møguligt hjá okkum at stuðla fyritøkum, ið lúka eina røð av umhvørvis-, samfelags- og leiðslukrøvum (ESG).
Íløgur, ið gera mun ...
Her eru nøkur dømi um, hvussu nógv CO2-útlát tú kanst minka um við at gera nakrar broytingar gjøgnum eitt arbeiðslív (áleið 42 ár):
- 91 tons av CO2, um tú setur 100.000 kr. í ábyrgdarfullar íløgur
- 30 tons av CO2, um tú flýgur eina ferð færri til París um árið
- 20 tons av CO2, um tú í gerandisdegnum velur at súkkla í staðin fyri at koyra bil
- 8 tons av CO2, um tú skiftur tíggju 60W perur út við LED-ljós
- 2 tons av CO2, um tú heingir klæðir út á snorin ístaðin fyri at brúka turkitrumlu
Ábyrgdarfullar íløgur við nøktandi avkasti
Tá ið vit gera íløgur fyri teg, leggja vit dent á, at íløgurnar verða gjørdar í partabrøv hjá fyritøkum, ið eru væl riknar við atliti at umhvørvinum og samfelagsábyrgd. Tað merkir, at velur tú at gera burðadyggar íløgur, hevur tú møguleika at ávirka fyritøkur rætta vegin, samstundis sum tú fært eitt nøktandi avkast av tínum íløgum.
Vit samstarva við íløguveitarar, ið leggja dent á at tryggja eitt nøktandi avkast, og at íløgurnar verða gjørdar í fyritøkur, ið lúka ávís krøv í sambandi við burðardygd og samfelagsábyrgd.
