Grønt bústaðarlán

Sum nakað nýtt bjóða vit nú grønt bústaðarlán. Lánið er til tín, ið hevur sethús ella íbúð, ið verður hitað við varandi orku. 

Verður tín bústaður hitaður við einari varandi orkuskipan, kanst tú skifta títt vanliga bústaðarlán um við nýggja, grøna bústaðarlánið og harvið fáa eina lægri rentu og eitt bíligari lánsgjald. Á henda hátt gerst tað bæði ein fyrimunur fyri umhvørvið og tín pengapung at velja eina grøna orkuskipan.

Lægsta renta á grøna bústaðarláninum er 2,45%.  Til samanberingar er lægsta vanliga bústaðarlánsrentan 2,75%. 

Orkulán til orkusparandi ábøtur

Skalt tú skifta oljufýringina út við eina varandi orkuskipan, kanst tú figgja ta íløguna við orkuláni. Lægsta renta á orkuláni er 1,75%, og til ber at læna í mesta lagi 300.000 kr. Tá ið orkuskipanin er skift, kann vanliga bústaðarlánið síðan verða lagt um til eitt grønt bústaðarlán við lægri rentu. Orkulánið kann eisini brúkast til aðrar orkusparandi ábøtur.

Grøn orkuloysn - ein góð íløga fyri umhvørvið og pengapungin

Grønar orkuskipanir eru hitapumpur – m.a. jarðhiti - og fjarhiti, ið brúkar varandi orku. Tað er ein treyt fyri at fáa grøna bústaðarlánið, at húsarhaldið ikki brúkar oljufýring.

Set teg í samband við tín ráðgeva, um tú hevur eina varandi orkuskipan. So kanst tú skifta vanliga bústaðarlánið um við nýggja, grøna bústaðarlánið og harvið fáa eitt bíligari lán.


Umlegging frá olju til grøna orku loysir seg

Niðanfyri eru trý dømi um sparing, tá ið eini vanlig sethús leggja um til jarðhita eftir at hava brúkt 3.000 litrar av olju um árið, ið hava við sær 7.680 kg. í CO2-útláti:

  • Um húsini ikki hava atgongd til grønan streym - t.d. standa í Skúvoy - lækkar árliga CO2-útlátið niður í 4.083 kg.
  • Um húsini fáa streym frá SEV - sum í dag í miðal er 40% grønur og 60% svartur - lækkar árliga CO2-útlátið niður í 2.450 kg.
  • Um húsini standa í framtíðar Føroyum - har streymframleiðslan er 100% grøn - lækkar CO2-útlátið niður í 0 kg. um árið.

Í øllum trimum førum er árliga peningaliga sparingin uml. 3.000 kr. um árið, um íløgan í jarðhitaskipan er fíggjað við einum orkuláni, og tá ið støði verður tikið í dagsins olju- og elprísum. 

Kelda: Umhvørvisstovan

Grønt bústaðarwebinar

Tak niður okkara grøna bústaðarwebinar og hoyr meira um fígging av grønum bústaðarloysnum.

Bústaðarlán

Skalt tú keypa ella byggja hús, hevur tú møguleika at taka bústaðarlán.

Mand bygger vinduesparti

Orkusparandi ábøtur

Eitt nú kann tað minka um orkunýtsluna, um tú bjálvar og skiftir vindeygu.

Et par står foran en ny elbil ude i den færøske natur.

Elbillán við lagaligari rentu

Við elbilláni verður tað lættari at velja umhvørvisvinarligu loysnina, tá ið bilurin skal keypast.

Tosa við okkum

Tú ert altíð vælkomin at ringja til okkara

330 330

Send teldubræv